Шектік мөлшерден асқан зейнетақы жинақтарын тиімді жұмсаңыз. Мәселен, баспанаға. Егер бұл қаражатыңыз тұрғын үйдің алғашқы жарнасына жеткілікті болса, ипотека рәсімдей аласыз. Ал, егер ипотекалық баспанаңыз болса, сол ақшаңызды үйдің төлеміне төлеуге құқылысыз. Жалпы, жаңа жүйені түсіндіру мақсатында облыстық «Отбасы банкі» өкілдері түсіндіру жұмыстарын жүргізіп жатыр. Бұл жолы олар біздің телеарна тілшілерімен кездесті. Үй алудың мүмкіндіктері жайлы ақпаратпен бөлісті. БЖЗҚ-дағы қаржыңыз бірнеше бағытқа жұмсалуға болатыны жайлы кеңінен ақпарат берілді.
