Жетісулық жастар олжалы. 384 азамат «Елбасы медалі» жобасының қола жүлдегері атанды. 27-нің жүлдесін облыс әкімінің орынбасары Батыржан Байжұманов табыстады. Елбасы Н. Назарбаевтың «El Umiti» бастамасы аясындағы байқау алтын, күміс, қола деңгейінде өтіп жатыр. Қола медаль алғандар 6 ай бойы түрлі тапсырмалар орындаған. 7 бағыт бойынша. Ал, алтын және күміс деңгейдегі қатысушылар сайысы әлі де жалғасуда. Жобаның бағыты мен мақсаты айқын. Талантты жасты тану, танып қана қоймай, талабын ұштау, колдау көрсету.
