Мұнан былай балабақшаларда 20 минуттық сабақтың орнына ойын және коммуникация әдістемесі енгізіледі. Үкімет отырысында елдің бас мұғалімі осындай жоспарымен бөлісті. Асхат Аймағамбетов: осыған дейін кішкентай балаларға мектептегі сияқты кестеге сәйкес 20 минуттық сабақтар жүргізіліп келген. Енді жаңа модель бойынша педагог оқыту мен тәрбиелеуді баланың бақшаға келген тұсынан бастап, осы жастағы балалардың физиологиялық және психологиялық қажеттіліктері бойынша ойын және коммуникациялар арқылы арнайы әдістемемен іске асырады.
