Қыстың қамын жаз ойла. Көмір тапшылығы проблемасын түбегейлі шешу қажет. Ол үшін қатты отынды алып-сататын делдалдарды жою керек. Бәсекелестікті арттырып, қала, аудан әкімдері қосымша қор болу үшін компаниялармен келісім жасауы тиіс. Облыс әкімі Қанат Бозымбаев бүгін қала, аудан басшылары мен басқарма жетекшілеріне осындай тапсырма берді. Өңір басшысы жылыту маусымына дайындықты пысықтады. Былтырғы кезеңде тіркелген олқылықтардан сабақ алуға шақырды.