Бәрі де ана мен бала амандығы үшін. Жетісулық дәрігерлер кесарь тілігін табиғи босанумен ұштастыратын жаңа әдіс енгізіп жатыр. Кесарь деп, бұрынғыдай кесе бермейді. Ананың табиғи босануына жартылай жағдай туғызады. Нақтысы: шарананы суырып алмай, оның құрсақтан өзі шығуына мүмкіндік жасайды. Жаңа тәсіл ана мен баланың өзара байланысына нұқсан келтірмейді. Мамандар сәбидің физиологиялық тұрғыда бейімделуі де тез өтетінін айтады. Бұл орайда Талдықорғанда белгілі акушер-гинеколог Гүлжаһан Омарова 4 күндік шеберлік дәрістерін өткізді.
