Шомылуға тыйым салынады. Алматы облыстық төтенше жағдайлар департаменті шомылу маусымына дайындық жұмыстарын бастады. Жедел құтқару жасағының қызметкерлері Қапшағай су қоймасының адам өміріне қауіпті жерлеріне ескерту тақтайшаларын орнатып жатыр. Жасақ басшысының сөзінше, мұнда шомылуға тыйым салынатын 40-қа жуық учаске бар. Қазір ол жерлердің барлығы департамент бақылауында.
