600 млн аса теңге үнемдеді. Алматы облысы Еңбекшіқазақ ауданының егінмен айналысатын шаруаларының осындай сомадағы қаражаттары қалталарында қалды. Оған себепші болған өңірлік антикор қызметі. Құзырлы орган суармалы жерлер мен жүйелеріне сыбайлас жемқорлыққа қарсы мониторинг жүргізу барысында кооператив құрып, қыруар қаржыны жымқырып отырғандарды анықтап жолын кескен. Өз пайдаларын ойлағандар Үлкен Алматы каналынан суды алып, шаруаларға қымбат тарифпен жіберіп отырған.
