Алматы облысының спортшылары АҚШ-тың Флорида штатында өтетін Джиу-джитсу күресінен халықаралық турнирге қатысады. Әлемдік додаға аттанар алдында спортшылар орталық алаңдағы Қонаев ескерткішіне гүл шоқтарын қойып, көптің тілеуін алды. Облыстық Ардагерлер кеңесінің төрағасы Ерболат Тұрымбетов жастарға ақ батасын беріп, шет елдегі жарыста сәттілік серік болсын, – деді. Айта кетерлігі, Киссимми қаласында өтетін «Pan Kids» және «Orlando International Open» турнирі 22-23 шілде аралығына жоспарланған. Онда өңірден Іле ауданында орналасқан Сағадат Нұрмағамбетов атындағы спорт клубының өрендері өнер көрсетеді. Спортшылардың барлығы джиу-джитсу мен грэпплингтен Әлем чемпиондары.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.