Биыл Алматы облысы бойынша жалпы құны 819 миллиард теңге болатын 40 меморандумға қол қойылды. Отандық және шетелдік инвестициялар негізінен құрылыс, туризм және агробизнес салаларына тартылған. Жергілікті атқарушы билік тарапынан инвесторларға қолайлы жағдай жасалған. Бұл – жол, су, электр қуаты және көгілдір отын желісі секілді инфрақұрылымдар. Қазіргі таңда Алматы облысында Голландия, Түркия, Қытай секілді мемлекеттердің инвесторлары өз жобаларын жүзеге асырып жатыр. Қазақ еліндегі кәсіпорындарға қаржы құямын деуші шетелдік кәсіпкерлерге салық жағынан да жеңілдіктер қарастырылған. Алматы облысы аграрлы облыс болғандықтан көкөніс, жеміс-жидек өңдеу, даяр тауар өндіру жағына да баса мән беріледі.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.