Биыл Алматы облысында 60 мыңнан аса тұрғын жұмыспен қамтылуы тиіс. Оның 47 мың 90-ін тұрақты жұмыспен қамту жоспарда. Бұл туралы облыстық еңбек мобилдігі орталығының мамандары айтып отыр. Дәл қазірге дейін аудандар бойынша 43мың 200 ден аса жұмыссыз адам екі қолға бір күрек тапқан. Бұған қоса кәсіпкерлікті дамытудың ұлттық жобасы шеңберінде жыл бойы 16 409 азаматты тұрақты жұмыспен қамту көзделген. Десе де осыған дейін жоспар артығымен орындалып 22 мың 100 адам жұмыссыздар санатынан шықты. Әрі ұлттық жоба аясында жұмыс берушілердің өтінімімен 362 адамды қысқа мерзімді кәсіптік оқуға жолдама алыпты. Сонымен қатар әлеуметтік осал топтар үшін жаңа бизнес-идеяларды жүзеге асыруға 331 милион теңгеден аса қаржы қарастырылып, 259 бірлік грант үлестіру жоспарда бар. Ал бүгінгі таңа дейін 400 айлық есептік көрсеткіш көлемінде 241 азамат мемлекеттік грант иесі атанды. Ал жыл соңына дейін «Бастау Бизнес» жобасы бойынша кәсіпкерлік негіздеріне 8674 адам оқытылды.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.