Жетісу облысында 2024-2025 жылғы бюджетінен 3,8 млрд теңге үнемделді. Бұл мақсатты игерілмей қалу қаупі бар қаражат. Оны тиімді пайдалану, бағыттау үшін облыстық мәслихаттың кезектен тыс 32-ші сессия өтті. Жиынға өңір әкімінің орынбасары Әсет Қанағатов, басқарма басшылары және мәслихат депутаттары қатысты. Биылғы қалған қаражатты облыстың дамуындағы шешілмей тұрған мәселелер мен әлеуметтік салаға бағыттады. Мәселен, білімге – 1,4 млрд, денсаулық сақтау – 598 млн, ТҮКШ – 55 млн, отын-энергетикаға – 553 млн, мәдениет, спорт, туризм және ақпараттық кеңістікке – 147 млн және т.б. салаларға бекітілді. Басқосуда облыс әкімінің орынбасары Жетісу облысының экономикалық өсімі тұрақты екенін жеткізді. Барлық салада өсім бар. Бүгінгі күнге өңірдің орташа жалақы көлемі 311 мың теңгеден асты. Келер жылы да ауқымды жобалар іске асыру жоспарланған. Мамандар бөлінген бюджетті мақсатты жұмсап, тиімді пайдалану баршаға ортақ міндет екенін айтады.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.