Ауыл аманаты бағдарламасын жүзеге асыруға ресбуликалық бюждеттен өңірімізге 5 млрд теңге бөлінді. Енді өз ісін бастаймын деген азаматтар жеңілдетілген несиені ала алады. Қаржының басым көбі ауыл шаруашылық кооперативын құруға бағытталған. Жалпы азаматарға өз ісін бастауға 400 несие беріледі деп жоспарлануда. Яғни шағын несиеге 2 млрд, қайта өңдеу саласына 1 млрд және 58 кооперативті қаржыландыруға 2 млрд.теңге қарастырылған. Нәтижесінде ауылды жерлермен шағын қалаларды қосқанда 540 жаңа жұмыс орнын ашылады деп болжануда. Айта кетсек, соңғы үш жылда облысқа 6 млрдқа жуық қаражат бөлінді. Нәтижесінде 778 жеке кәсіпкер, 7 кооператив құрылды. Несие алушылардың басым көбі мал шаруашылығын қолға алды. Бұдан бөлек, бағдарлама аясында құс, омарта шаруашылығы, жылыжайларды құру, онымен қоса ауылдық туризм, сауда немесе шикізаттан өнім шығару жобалар жүзеге асты.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.