Сүт безі обырымен күресудің негізгі жолы – аурудың алдын алу. Ерте анықталған жағдайда, қатерлі ісік қабынбайды. Бүгінде осы симптоммен Алматы облысында 272 науқас есепте тұр. Бұл туралы “Жетісу медиа” алаңына келген облыстық көпсалалы клиниканың өкілдері айтты. Онколог-маммолог дәрігерлер ақпарынша, қазір бұл дерт жасарып барады. Ақ халаттылар жастар мен 35-40 жас арасында қатерлі аурулар жиі тіркелуде деп дабыл қағуда. Осы жағдайға байланысты, медициналық тексеруге шақырту ұйымдастырылуда. Тұрғындар скрингке кезең-кезеңімен шақыртылып, түсіп жатыр. Арнайы ашық есік күндері де өткізіледі. Сондай-ақ, қазір 5 адамнан құралған дәрігерлер тобы облыстағы аудан, қаланы аралап, халықты арнайы құрылғыларымен тексеруден өткізуді қолға алған.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.