Алматы облысында қаңтардағы дүрбелеңде сауда үйін тонаған күдікті ұсталды. 27 жастағы жергілікті тұрғын Қарасай ауданының азаматы. Бұрын сотталған. Одан бағасы қымбат 12 смартфон мен 4 планшет айғақ зат ретінде тәркіленді. Жалпы, аудан бойынша қазіргі таңда тонау дерегімен 20 күдікті анықталып, олардан 200-ден астам тұрмыстық және компьютерлік техника табылған. Қаңтар оқиғасына қатысы бар азаматтарды анықтау мақсатында ауданда кешенді шаралар жалғасып жатыр. Бейнебақылау камераларындағы жазбалар қаралып, куәгерлерден түсініктеме жинастырылуда.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.