Бүгін Мәжілісте масс-медиа туралы заң жобасы талқылануда. Бұл жобаға бауырлас Түрік журналистерінің де қызғушылығы басым. Жоба журналистердің құқықтары мен бостандықтарын арттырып, ақпаратқа қолжетімділігін жақсарта түсуі қажет. Астанада өтіп жатқан Түркия мен Қазақстан журналистерінің кездесуінде Анталья журналистер одағының төрағасы Идрыш Таш осындай пікір білдірді. Жиында жаңа медиа, дата журналистика, медиадағы жасанды интеллект, әлеуметтік журналистика мәселелері сөз болды. Түркі тілдес журналистер қоры мен Анталья журналистер одағы мүшелері бауырлас елдердің журналистикадағы ортақ мәселелерін талқылап, өзара тәжірибе алмасты
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.