Экс әкімі таяуда істі болып, лауазымды орын бос тұрған. Бұл қызметке облыс әкімі ҚР Президенті әкімшілігінің келісіміне сәйкес, Әбдіханов Қайдар Әлиханұлының кандидатурасын ұсынды. Аудандық мәслихат депутаттары бірауыздан келісіп, әкім өкімге қол қойды. Қайдар Әбдіханов 47 жаста. Қос жоғары білімі бар: аграрлық сала инженері, заңгер. 15 жыл ҚР Кеден органдарында үздіксіз қызмет жасаған. Бірнеше жауапты лауазымдар атқарған. Сыбайлас жемқорлыққа қарсы іс-қимыл құрылымдарында қызмет істеді. Әкімдік жолын Кеңдала ауылдық округінен бастады. 2018 жылдың Талғар ауданы әкімінің орынбасары. “Жауапкершілігі зор, ұйымдастырушылық қабілеті бар. Ауданды жақсы біледі. Сенемін, әрі жан-жақты қолдаймын!”,- деді Амандық Баталов
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.