Қазақ саһарасында талайды тамсандырған ақындар аз болған жоқ. Бірақ солардың ішінен бөле жарып айтатын бірегейі — Мұқағали Мақатаев. Қара өлеңнің құдіретін сезіндірген дара талант иесі. Тірісінде: «Мен – XXI ғасыр ұрпақтарының құрдасымын», деп ұрандаған тұлғаның айтқаны айдай келді. Өзі небәрі 45 жасында өмірден өтсе де, отты жырлары әр буынның етене жақын сырласына айналды.
