Алаңсыз өмірдің астаң-кестеңі шыққан ауыр күндерді еске түсіру Сәрсенбай ақсақал үшін оңай емес. Ардагер бозым шағында әскерге шақыртылғаннан кейін, Аягөз қаласында, кейіннен Түркменстанда арнайы курстан өтеді. Сержант, старшина шенін алады. Аз уақыттан соң даңқты қолбасшы Бауыржан Момышұлымен кездесіп, қаруласына айналады. Қарт майдангерге соғыстың басты қаруы саналған катюша сеніп тапсырылған.
