Ертең ұстаздар бас қосатын дәстүрлі тамыз кеңесі басталады. Екі күнге жоспарланған конференция «ӘДІЛЕТТІ ҚАЗАҚСТАН: САПАЛЫ БІЛІМ, АДАЛ ҰРПАҚ, ТАБЫСТЫ ҰЛТ» тақырыбы аясында жаңа форматта өтпек. ВИДЕО: Министрлік биыл кеңесті ерекше ұйымдастыруда. 20 өңір 20 бағыт бойынша талқылау өткізеді. Алматы облысына «Білім беру технологиялары» бағыты бөлінген. Өңірдегі тамыз кеңесі Есік қаласында Т.Молдағалиев атындағы мәдениет сарайында болады. Тағы бір ерекшелік өңірге өзге облыстардан 155 педагог келеді. Ұстаздар қауымы өзара тәжірибе алмасып, пікірлерін ортаға салатын болады. Пленарлық отырысқа офлайн форматта 700 ұстаз, ал онлайн режимде 20 мың педагог қатысады.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.