Алматы облысының әкімі Марат Сұлтанғазиев Қазақстанда атом электр станциясын салу мәселесі бойынша референдумда өз таңдауын жасады. Өңір басшысы Қонаевтағы мәдениет үйінде орналасқан №949 референдум учаскесіне барып, дауыс берді. Айта кетейік, елімізде жалпыұлттық референдум 3-ші мәрте өткізілуде. ҚР Орталық сайлау комиссиясының мәліметіне сүйенсек, сағат 12.00-дегі есеп бойынша, республика халқының 39,23%-ы дауыс беруге келген. Ал бұл уақытта өңірдегі халықтың 40 пайыздан астамы таңдау жасаған.