Алматы облысында 380 ауылдық елді мекеннің 351-і кең жолақты интернетпен қамтамасыз етілген. Оның 278 де 4G қосылған. Ал, 3 мыңнан аса тұрғыны бар 29 ауылда интернет мүлдем жоқ. Бұл туралы баспасөз брифингі барысында белгілі болды. Алматы облысында ҚР цифрлық даму, инновациялар және аэроғарыш өнеркәсібі министрлігі іске асырған “талшықты-оптикалық байланыс желілері технологиясы бойынша ауылдық елді мекендерді кең жолақты қолжетімділікпен қамтамасыз ету” жобасы аясында 160 ауылға және 311 ұйымға интернет жеткізілгені туралы айтылды. Осы жоба аясында “Транстелеком” АҚ бастамасымен 24 ауыл тұрғындарына жоғары жылдамдықты интернет тартылған. Қазіргі уақытта өңірдің 70 ауылында осындай жоба іске қосылмақ.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.