Қазан айы – “Қарттар айлығы”. Талдықорғанда құрмет акциялары үздіксіз жалғасып жатыр. Кезекті игі шара Талдықорғандағы мейрамханалардың бірінде өтті. Республика күніне орай, Жетісудың 70 ке жуық ардагеріне мерекелік дастархан жайылды. Тізімде тегін адам жоқ. Өңірдің әлеуметтік- экономикалық дамуына үлес қосқандар. Бүгінде қоғам ісіне белсене араласып, өскелең буынға бағыт-бағдар, бата беріп жүргендер. Басқосуда белсенді қарттарға қала әкімі атынан Құрмет грамоталары мен алғыс хаттары табысталды. Айта кетелік, Талдықорған қаласы бойынша 25 мың зейнеткер бар. Оның 3 -і Ұлы Отан соғысының ардагері. 800-і тыл еңбеккері.
