Облыста көктемгі дала жұмыстары қарқынды жүріп жатыр. Биыл егіс алқаптарының жалпы аумағы 511 мың гектарға дейін өсті. Басты назар егісті әртараптандыруға аударылып отыр. Өңір біртіндеп бидай мен майлы дақылдардан бас тартып, сұраныстағы өнімдерге бет бұруда. Мәселен, жүгері алқаптары 5 мың гектарға кеңейсе, арпа мен қант қызылшасының егіс көлемі едәуір артқан. Мырзахан шаруа қожалығы 85 гектар жерге жүгерінің ” КВС Кашмир” тұқымын сепкен. Шаруашылық былтыр гектарына 14 тоннаға жуық өнім алды. Биыл егіс құрылымына қытайлық жүгері сорттары да қосылып отыр. Облыс әкімі Бейбіт Исабаев шаруашылықтың егіс алқабына барып жұмысымен танысты. Мұнда заманауи технологиялар мен сенімді серіктестерге сүйенеді. Биылда әр гектардан 140 центнерге дейін жүгері өнімін алу жоспарланған.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.