Қонаев қаласы мен Қаскелең өзені аралығындағы 16 шақырымдық күре жол жасыл дәлізге айналмақ. Бұл туралы Алматы облысы әкімінің дүниежүзілік банк өкілдерімен кездесуінде мәлім болды.
Алқалы жиында Қонаев-Алматы тас жолы бойын көгалдандыру бойынша 2022 жылы басталған ауқымды жоба таныстырылды. Жобаның көзделген басты мақсат өңірде жасыл инфрақұрылымды дамыту. Жасыл дәліз қоршаған орта ластануының алдын алып, жел екпінін тежейді. Құмның көшуін тізгіндеп, тас жол бойын әрлендіреді. Бір сөзбен айтқанда экологиялық мәлелелер оң шешім табады. Бұған қоса Алматы облысының орталығында эко туризм әлеуетінің жандануына мүмкіндік береді. Егер бұл жоба мақұлданса Голландиялық «MLA+» халықаралық компаниясы мен Қазақстан-Неміс университеті бірлесіп жүзеге асырмақ. Ал облыс әкімі Марат Сұлтанғазиев сарапшылармен бірге аталған жобаны жан-жақты зерттейтіндіктерін жеткізді. Егер тиімді деп табылса қаржыландыру жағын қарастырамыз деп отыр.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.