Қонаевта академик Мұқтарбай Өтелбаев атындағы математикалық танымдық орталық ашылды. «Балдәурен» республикалық оқу-сауықтыру кешені базасында қолданысқа берілген орталықтың ашылу салтанатына белгілі академик, физика-математика ғылымдарының докторы, Видео: профессор Мұқтарбай Өтелбаевтың өзі қатысты. Сонымен қатар, шәкірттері мен ұстаздар қауымы тұсау кесу сәтіне куә болды. Айта кетейік, енді мұнда демалатын балалар мен біліктілігін арттыруға келген ұстаздар оқытудан өтіп, білімдерін шыңдамақ. Олар үшін арнайы семинар тренингтер ұйымдастырылып, білім-білігі жетілдіру үшін жағдай жасалады. Алғашқы жиында белгілі математиктің тәлім тәрбиесін алғандар сөз сөйлеп, оқу-сауықтыру орталығы ұжымына алғыстарын білдірді. Өз кезегінде жасы 80 нен асса да ғылым мен білімнен қол үзбеген академик те ризашылығын білдірді.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.