Бүгін Жетісу облысының бірқатар аумағына қар түсті. Осыған байланысты көлік жүргізушілер дөңгелек ауыстырып, әбігерге түсіп жатыр. Шина ауыстыратын қызмет көрсету орталықтарында ұзын-сонар кезек – бұл жыл сайынғы қалыпты көрініске айналған. Мамандардың айтуынша, ауа температурасы +7 төмендеген сәттен бастап, жазғы дөңгелектермен жүру қауіпті. Қысқы шиналар жолдағы көктайғақ пен қарда қауіпсіз қозғалысты қамтамасыз етеді. Полицейлер де жүргізушілерге сақ болуды, көлік жылдамдығын азайтып, арақашықтықты сақтауды ескертеді. Ал, синоптиктер облыста осы апта соңына шейін қар аралас жаңбыр жауады,- дейді. Айта кетейік, қысқы дөңгелек ауыстыру елімізде 1 желтоқсанға дейін жалғасады. Сол кезеңнен бастап жазғы шинамен жүргендерге айыппұл салынады.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.