Ертең, яғни 28 сәуірден бастап, Талдықорғаннан Алматыға шыққан жолаушылар үшін қозғалыс бағыты уақытша өзгертілді. Енді көліктер Мұқыры ауылы арқылы өтеді. Бұл шешім жол қауіпсіздігін қамтамасыз ету мақсатында қабылданған. Қазіргі уақытта Алматы – Өскемен автотрассасының 213–234 шақырымында күрделі жөндеу жұмыстары жүргізіліп жатыр. Жоба аясында жол жабыны толық жаңартылып, тау беткейлері тегістелуде. Сонымен қатар, су өткізу құбырлары орнатылады. Жетісу облысының әкімі Бейбіт Исабаев жұмыс барысымен танысты. Бұл учаскедегі жөндеу күз айларына дейін жалғасады деп жоспарланып отыр. Жалпы, Талдықорған қаласынан Алматы облысының шекарасына дейінгі бағытта бұдан бөлек тағы үш жол учаскесінде орта жөндеу жұмыстары жүргізілмек.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.