Жетісу облысында Қоғамдық кеңестің жаңа құрамы жасақталды. Кеңестің негізгі мақсаты – өңірдің әлеуметтік-экономикалық дамуына ықпал ету, жергілікті халық пен билік арасындағы ашықтықты қамтамасыз ету. Жаңа құрамға қоғам белсенділері, сарапшылар мен мәслихат депутаттары, кәсіпкерлер және үкіметтік емес ұйым өкілдері енді. Осылайша олар Жетісу облысы бөлініп шыққан уақыттан бері екінші мәрте құрылған кеңеске қабылданып отыр. Естеріңізге сала кетейік, күні кеше бірінші шақырылымдағы мүшелердің мерзімдері аяқталып, жұмыстарын қорытындылады. Осыдан үш жыл бұрын құрылған кеңестің құрамында 25 адам болды. Бұл жолы тағы жеті адаммен толықты. Барлығы 32 адам. Айта кету керек, жаңа құрамда әйелдер қауымы мен жастардың үлесі артып отыр. Сондай-ақ кеңестің жаңа мүшелеріне сәттілік тілей отырып, өңір басшысы арнайы келіп құттықтады. Алдағы уақытта ел мүддесі үшін бірлесіп жұмыс істеуге шақырды.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.