Бүгін Жетісу облысының әкімі Бейбіт Исабаев азаматтарды жеке мәселелері бойынша тыңдады. Қабылдауға келген үш адам өзін толғандырған әлеуметтік-тұрмыстық мәселелерімен жүгінді. Панфилов ауданының тұрғыны Ләйлә Мұхаева Жаркент қаласында «Жайлы мектеп» жобасымен салынған жаңа мектепте оқитын 1 мыңнан астам балалар үшін арнайы көлік тасымалын ұйымдастырса деген ұсыныс айтты. Өйткені окушылардың көпшілігі қаланың бір шетінде тұрады. Облыс әкімі мектептен алыс тұратын отбасылар үшін автобус ұйымдастыру мәселесін шешуді тапсырды. Бұл ретте Панфилов ауданының әкімдігі облыстық білім басқармасымен бірлесіп, Басқұншы ауылындағы мектепке былтыр алынып берілген, сирек қолданыстағы автобусты Жаркент орта мектебіне беретінін айтты. Сол сияқты Талдықорған қаласының тұрғыны Гүлвира Разбекова мен Ескелді ауданының тұрғыны Сәуле Бақытжан тұрғын үйге қатысты мәселемен жүгінді. Оларға мемлекеттік қордан үй берудің заң аясындағы талаптары түсіндірілді.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.