Бүгін Жетісу облысының әкімі Бейбіт Исабаев қоғамдық қабылдау өткізді. Онда бірқатар азаматтар жеке мәселелері бойынша аймақ басшысымен кездесіп, сауалдарын қойды. Көпшілігі мемлекеттік тұрғын үй қорынан баспана сұраса, енді бірі жер мәселесін көтерді. Сарқан қаласының тұрғыны, еңбек ардагері Нұржамал Тазанова өзіне бір кездері пайға берілген жердің қазіргі даулы мәселесі жайлы баяндап, оны меншігіне қайтарып алғысы келетінін жеткізді. Мәселенің мәнісін анықтай келе, облыс басшысы бұл істің түбегейлі тек сот арқылы шешілетінін айтып, бұл ретте аудан әкімдігіне ардагерге құқықтық жағынан кеңес беріп, заңдық тұрғыда қолдау көрсетуді тапсырды.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.