Алматы облысында аутизм және ментальді бұзылулары бар балаларға арналған орталық ашылады. Жаңа білім мекемесі келер жылдың қаңтарынан бастап жұмысын бастайды. Елбасының “Қамқорлық” бағыты бастамасымен қолға алынған жобаға жергілікті бюджеттен 9 млн. теңге бөлінген. Бұл туралы бүгінгі облыстық мәслихаттың кезекті отырысында айтылды. Арнайы комиссия Аутистік спектрдің бұзылуы бар жеткіншіктердің білім алуы, дәрі-дәрмекпен қамту, тұрғын үй беру жолдары мәселелерін қарастырды. Бүгінгі таңда өңірде ерекше білім беруді қажет ететін – 14 579 бала бар. Тең жарымы оқумен қамтылған. Алдағы 4 жылда тағы 15 инклюзивті қолдау кабинетін ашу жоспарланып отыр. Айта кетсек, Алматы облысында аутизмі бар 521 бала анықталған. Қатарында үйде қызмет көрсету жағдайында 29ы бар.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.