Талдықорғанда 32 жастағы ер адамнан 6,5 келі гашиш тәркіленді. Жетісу облысы Полиция департаментінің есірткі қылмысына қарсы іс-қимыл басқармасының қызметкерлері есірткі заттарының заңсыз айналымының тағы бір нүктесін тоқтатты. Облыс орталығындағы жедел-іздестіру іс-шаралары барысында тәртіп сақшылары есірткіні заңсыз айналымға шығарды деген күдікпен 32 жастағы ер адамды ұстады. Тұрғылықты жері бойынша санкцияланған тінту барысында өсімдік тектес зат анықталып, тәркіленді. Сараптама қорытындысына сәйкес, тәркіленген заттың гашиш екені анықталды. Оның жалпы салмағы 6 келі 550 грам. Осылайша қала көшелеріне таралуы мүмкін есірткінің ірі партиясының жолы кесілді.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.