Алматы облысындағы 384 елді мекеннің тек 150-ге жуығы ғана газбен қамтылған. Бұл туралы өңірдегі табиғи монополия өкілдері, өңір әкімінің орынбасары, жылу және энергетика құрылымдарының басшылары қатысқан жиын барысында мәлім болды. Онда «Бақанас» газ тарату станциясында жөндеу жүргізуге тендер жарияланды. Нәтижесінде 18 мың тұрғынды газбен қамту жоспарланып отыр. Сонымен қатар жыл соңына дейін Талғар, Ұйғыр және Жамбыл аудандарында 7 жаңа нысанның құрылысын жүргізу көзделген. Жамбылдағы Беріктас, Дегерес елді мекендері мен Іле ауданындағы Жаңаарна, Еңбек ауылдарына газ тарату желілерін салу үшін бюджет қаражатынан 1,6 миллиард теңге талап етіліп отыр.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.