Бүгін “Жетісу” телеарнасына бір топ диқан ақпараттық қолдау сұрай келді. Көздегендері: проблемаларын көгілдір экран арқылы проблемаларын облыс әкімі Амандық Баталовқа жеткізу. Олар Талдықорған шетіндегі Шымыр каналының жөндеу жұмыстары уақытылы аяқталмай қала ма деп алаңдаулы. Яғни, 125 шаруа уақытылы егіс жұмыстарын мерзімінде бастай алмай қалуы мүмкін. Бұл су жүйесі арқылы 2,5 мың гектар егін алқабы суарылуы қажет. Ирригациялық жүйені қалпына келтіру жұмыстары былтыр күзде басталып, қыс бойы тоқтап тұрған. Шаруалардың айтуынша, каналдағы қалпына келуі қажет 9 шақырымның тек 1 шақырымнан астамы ғана дайын.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.