Бүгін ҚР Парламенті Мәжілісінің жалпы отырысында депутаттар Салық кодексіне енгізілетін өзгерістер мен толықтыруларды бірінші оқылымда қабылдады. Оған сәйкес, Ұлттық қордан балаларға бөлінетін нысаналы жинақтарды кіріс ретінде қарастырмау, коллекторлық агенттік, микроқаржы ұйымы берешекті кешірген кезде жеке тұлғаның кірістерін кіріс ретінде қарастырмау, микроқаржы ұйымдарының жеке тұлғалардың микрокредиттері бойынша берешектерінкешіруге байланысты кірістерін салық салудан уақытша босату ұсынылды. Сондай-ақ, өзгертулерде арнайы экономикалық және индустриялық аймақтардың қатысушылары мен басқарушы компанияларына санаттар бойынша белгілі бір мерзімге салықтық жеңілдіктер беру, соттарда мемлекеттік баж төлеуді кейінге қалдыру тәртібі мен шарттарын айқындау мәселелері қарастырылған. Тағы бір маңызды мәселе – активтер мен міндеттемелер, кірістер мен мүлік туралы декларацияны ұсыну мерзімдері мен жасау ерекшеліктері нақтыланды. Бұл өзгерістер 2024 жылдан бастап қолданысқа енгізіледі.
