Алматы облысында жолды сапасыз жөндеген мердігер ақшаны қайтарып берді. «Көкпек-Кеген-Түп» автожолы осы айдың аяғына дейін жөнделеді. Бұл туралы «ҚазАвтоЖол» АҚ Алматы облыстық филиалы басшысының орынбасары Жасұлан Қалтаев мәлім етті, деп хабарлайды ҚазАқпарат. Алматы облысындағы «Көкпек-Кеген-Түп» республикалық маңызы бар жолды жөндеу «Іскерті» ЖШС-не жүктелген болатын. Алайда аталған компания сапасыз қызмет көрсеткендіктен, «ҚазАвтоЖол» АҚ екіжақты келісімшартты бұзып, мердігер компанияны сотқа берді.