Облыс әкімі Бейбіт Исабаев азаматтарды жеке мәселелері бойынша қабылдады. Қабылдауға келген азаматтар мүгедектерді оңалту, тұрғын үй мәселелері бойынша жүгінді.Мәселен, талдықорғандық Сая Абдрашева қаладағы оңалту орталығы жанынан ерекше қажеттілігі бар азаматтарды тәулік бойына уақытша қалдыратын топ ашылса деген өтініш айтты. Сондай-ақ кембағал жандарға жылына бір реттік көмек берілсе деген ұсыныстарын жеткізді. Бұл ретте өңір басшысы мұндай уақытша топ ашу мүмкіндіктері заң жүзінде қарастырылмағанын тілге тиек етті. Заңнамаға өзгерістер енгізу туралы ұсыныс тиісті ведомствоға жолданатын болды. Ал бір реттік көмек облыс бюджетінің мүмкіндіктеріне қарай қарастырылмақ. Қабылдауға тұрғын үй кезегінде тұрған, сол сияқты үйінің құжаттарын сот арқылы заңдастыруға кіріскен азаматтар да келді. Оларға Бейбіт Исабаев тұрғын үй берудің заңдылығы туралы айтып, баспана мәселесі қазір «Отбасы банкі» құзырында екенін түсіндірді.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.