Ақпарат жаршыларымен жүздесті. Бүгін Жетісу облысының әкімі Бейбіт Исабаев Бейсен Құранбек атындағы Журналистер үйінде болды. Аталған кешенде “Жетісу” телерадиокомпаниясы мен облыстық “Жетісу”,”Вестник Жетісу” қоғамдық-саяси, әлеуметтік -экономикалық газеттерінің шығармашылық ұжымдары еңбек етеді. Аймақтың әлеуметтік – экономикалық дамуына қомақты ақпараттық – идеологиялық үлес қосып жатыр. Өңір әкімі алдымен жергілікті БАҚ көздерінің материалдық -техникалық базасына назар аударды. Журналистер қауымымен кездесіп, мемлекет үшін, Жетісу облысы үшін маңызды тақырыптарда пікір алмасты. Облыс беталысы, бүгіні мен болашағы жайында ой бөлісті. Айта кетелік, “Жетісу” телерадиокомпаниясы 2024 жылдың жұмыс қорытындысы бойынша “Үздік мекеме” атанып, сыйлыққа жаңа телестудия жеңіп алғаны мәлім. Бейбіт Исабаев телеарна қызметкерлерін жеңісімен құттықтап, халық игілігі үшін табысты қызмет ете беруге қанаттандырды. Кездесу соңынан облыс әкімі студияға кіріп, облыстық БАҚ басшыларына кең көлемді сұқбат берді. Сұқбатта Жетісу облысында 2024 жылы атқарылған жұмыстар, алда тұрған міндеттер қамтылды. Теленұсқасын эфирден алдағы жексенбі күні, сағат 20.00 де көре аласыздар. Ал, “Жетісу”, “Вестник Жетісу” газеттеріне сұқбат мазмұны 18 ақпан күнгі нөмірлерінде басылады.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.