Елімізде жаңа туған балалар арасында есту қабілетінің төмендігі көбейген. Мамандар мұны экология мен тамақтанудың кері әсері деп түсіндіреді. Осы мақсатта бүгін Талдықорғанда ашық есік күні өтті. Оңтүстік өңірлік көпсалалы клиникалық ауруханасынан лор сурдолог маман келіп науқастарды қабылдады. Аудиограмма құрылғысы арқылы 7 жастан асқан балалардың есту қабілетін пайызбен тексеріп көрсетті. Ал, жаңа туылған нәрестелердегі бұл симптомдарды арнайы құрылғымен анықтап берді.
