Жыл басынан бері бейне камералар арқылы 281 қылмыс ашылып, 24 мың 434 әкімшілік құқық бұзушылық анықталған. Оның ішінде Полиция департаментінің Жедел басқару орталығының инспекторлары 193 қылмыстың ашылуына ықпал етіп, 10 мың 814 әкімшілік құқық бұзушылықты анықтаған. Бейнебақылау инспекторлары қоғамдық орындардағы жағдайды бақылап, құқық бұзушылықтарға жедел ден қояды. Сондай-ақ алкогольдік масаң күйдегі азаматтарды анықтап, ықтимал құқық бұзушылықтардың алдын алады.Тұрғындармен кері байланысты күшейту үшін «Омниканалды» жоба да іске қосылған. Биыл жүйеге 542 хабарлама түскен. Оның 439-ы «Заң мен тәртіп» мобильді қосымшасы арқылы жолданған. Жалпы, цифрлық технологиялар полиция жұмысының жеделдігін арттырып, қоғамдық тәртіпті бақылауды күшейтуге мүмкіндік беруде. Құқық қорғау органдары азаматтардың қауіпсіздігін қамтамасыз ету бағытындағы жұмысты жалғастыруда.
«Жетісу» телеарнасы – Жетісу облысындағы басты өңірлік арна. Біз күнделікті аймақтың маңызды жаңалықтарын, мәдени шараларын және өзекті тақырыптарын көрермен назарына ұсынамыз.
Бағдарламаларымыз кең аудиторияға арналған және қазақ, орыс тілдерінде шығады. Бұл өңірдің тілдік және мәдени сан алуандығын сақтауға септігін тигізеді.