Алматы облысындағы Шеңгелді ауылдық округі өңір бойынша пияз өсіруден 1-ші орында. Биыл мұнда 2 мың гектардан аса алқапқа пияз егілген. Жалпы, көкөніс шаруашылығына аймақ диқандары ден қойған. Бүгін түсірілім тобы өңір орталығына қарасты ауылдардағы диқандармен тілдесіп қайтты. Егіс алаңындағы еңбеккерлердің көңіл-күйі көтеріңкі. Айтуларынша, биыл ауа-райы мол өнім алу үшін қолайлы болып тұр.
